Joshilopost
२०७७ मंसिर १७, बुधबार


सन्दीपले लिए दुई खेलमा चार विकेट


सन्दीपले लिए दुई खेलमा चार विकेट

नेपाली लेग स्पिनर सन्दीप लामिछानेले सारजहाँमा सञ्चालन भइरहेको टी–१० लिग क्रिकेट प्रतियोगितामा राम्रो प्रभाव पारेका छन् । केरला किंग्सबाट प्रतिनिधित्व गरिरहेका सन्दीपले दुई खेलमा चार विकेट लिइसकेका छन् । पहिलो खेलमा सन्दीपले सानदार डेब्यू गर्न सफल भए । उनले पोख्तोन्सविरुद्ध सनसनीपूर्ण रूपमा ३ विकेट लिए ।

सो खेलमा उनी म्यान अफ द म्याचसमेत भए । सारजहाँमा बिहीबार भएको दोस्रो खेलमा उनले सिन्धिजविरुद्ध एक मात्र विकेट लिए । संयोगवश केरलाले सिन्धिजले आउट गरेको एक मात्र ब्याट्सम्यान सन्दीपकै कारण सम्भव भएको थियो ।

फेरि कसिलो बलिङ
केरलाले सिन्धिजविरुद्ध पहिलो ब्याटिङ गरी १० ओभरमा ७ विकेटको क्षतिमा १ सय ३ रन बनाएको थियो । मध्यम योगफल रक्षा गर्न क्रिजमा ओर्लेको केरलाले ६ बलर प्रयोग गरेको थियो । तर,

केरलालाई सन्दीपबाहेक अन्य बलरले सफलता दिलाउन सकेनन् । सन्दीपले पुनः एकपटक उत्कृष्ट बलिङ गरे । पहिलो ओभरमा १० रन खर्चिएका सन्दीप आफ्नो दोस्रो व्यक्तिगत ओभरमा फर्ममा देखिए । उनले सो ओभरमा केवल ४ रन मात्र दिएर एक विकेट पनि हात पारे । न्युजिल्यान्डका युवा ब्याट्सम्यान अन्टोन डेभिचको विकेट लिएका हुन् । डेभिचले २० बलमा समान चार चौका र छक्का प्रहार गरी सर्वाधिक ४९ रन जोडे । यता सन्दीपले २ ओभरको कोटा पूरा गर्दा १४ रन मात्र खर्चिएका थिए । सो खेलमा सिन्धिजले ७.४ ओभरमा १ विकेटको क्षतिमा १ सय ४ रन बनाउँदै जित निकाल्यो ।

सन्दीप म्यान अफ द म्याच
केरलाले आफ्नो पहिलो खेलमा पोख्तोन्सविरुद्ध खेलेको थियो । पहिलो ब्याटिङ गरी पोख्तोन्सले ५ विकेट गुमाएर १ सय ९ रन बनाएको थियो । सन्दीपले पोख्तोन्सविरुद्ध कसिलो बलिङ गरेका कारण केरलाले सहज लक्ष्य पाएको हो । केरलाले २ विकेट गुमाएर लक्ष्य पूरा ग-यो । खेलमा सन्दीपले १७ रन खर्चेर महत्वपूर्ण ३ विकेट लिए । सन्दीपले आन्द्रे फ्रेचर, कोलिन इग्राम तथा मोहमद कलिमलाई क्रिजबाट हटाए ।


You need to login to write a comment!

comments

Top